Прэс-канферэнцыя «Летні адпачынак каля вадаёмаў у Беларусі і горадзе Мінску. Пытанні бяспечных паводзін на вадзе, санітарны стан папулярных месцаў купання»
8 чэрвеня 2021 года ў Нацыянальным прэс-цэнтры Рэспублікі Беларусь адбылася прэс-канферэнцыя на тэму: «Летні адпачынак ля вадаёмаў у Беларусі і горадзе Мінску. Пытанні бяспечных паводзін на вадзе, санітарны стан папулярных месцаў купання»
У прэс-канферэнцыі прынялі ўдзел:
Бяганскі Аляксандр Віктаравіч - начальнік службы метэаралагічных прагнозаў дзяржаўнай установы «Рэспубліканскі цэнтр па гідраметэаралогіі, кантролю радыеактыўнага забруджвання і маніторынгу навакольнага асяроддзя»;
Гяцюк Рыгор Віктаравіч - намеснік галоўнага ўрача дзяржаўнай установы «Мінскі гарадскі цэнтр гігіены і эпідэміялогіі»;
Храпкоў Дзмітрый Аляксандравіч - начальнік вадалазна-выратавальнай службы Мінскай гарадской арганізацыі «Таварыства ратавання на водах»;
.
У сваім выступе Аляксандр Віктаравіч адзначыў, што за лета ў сярэднім па краіне выпадае 233 мм ападкаў або 36% ад іх гадавой сумы. Найбольшая колькасць ападкаў адзначаецца ў ліпені і складае 85 мм, найменшая - у жніўні (67 мм).
Практычна 90% усіх выпадкаў небяспечных метэаралагічных з'яў прыходзіцца на цёплы перыяд года (галоўным чынам на тры летніх месяцы): моцныя ліўні, навальніцы, град, спякота, засуха.
