Агляд воднага рэжыму рэк у жніўні

У жніўні на рэках краіны адзначаліся ваганні ўзроўняў вады. Мінімальныя ўзроўні вады на асобных участках рэк басейнаў Дняпра, Сожа і Прыпяці наблізіліся да шматгадовых мінімумаў для жніўня, а на рацэ Лань ў в. Мокрава (прыток Прыпяці) значэнне мінімальнага ўзроўню вады апусцілася ніжэй гістарычнага мінімуму для гэтай пары года.

Воднасць Нёмана і Віліі была блізкая да звычайнай для гэтай пары года, менш за норму на 30-40% апынулася воднасць Дняпра, Бярэзіны і Сожа, а на 50-60% воднасць Заходняй Дзвіны, Заходняга Буга і Прыпяці.

На дату складання прагнозу на рэках краіны амаль паўсюдна адзначаецца рост узроўняў вады. Неспрыяльныя ўмовы для працы рачнога транспарту адзначаюцца на Заходняй Дзвіне каля г.Віцебск, Нёмане ў г.Гродна, Дняпры каля г.Магілёў, г.Жлобін, г.Рэчыца і г.Лоев, Бярэзіне у г.Бабруйск і г.Светлагорск, Сожы у г.Крычаў, г.Слаўгарад і г.Гомель.

Прагнозная інфармацыя

 аб мінімальных узроўнях вады ў верасні

Мінімальныя ўзроўні вады ў верасні прагназуюцца ніжэй сярэдніх шматгадовых значэнняў для гэтай пары года.