У першай дэкадзе верасня на большасці рэк краіны адзначаўся рост узроўняў вады, абумоўлены выпадзеннем ападкаў, у выніку чаго на Заходняй Дзвіне ў г.Віцебск палепшыліся ўмовы для працы рачнога транспарту. У другой і трэцяй дэкадах верасня на рэках пераважаў спад узроўняў вады.

У верасні воднасць Заходняй Дзвіны была некалькі больш звычайнай для гэтага перыяду года, воднасць Бярэзіны, Дняпра, Сожа і Нёмана ў г.Стоўбцы блізкая да нормы, а воднасць Віліі, Заходняга Буга, Прыпяці і Нёмана на ўчастку Беліца – Гродна ў два разы менш за норму.

На асобных участках Нёмана, Віліі і некаторых прытоках Прыпяці значэння мінімальных узроўняў вады былі блізкія да шматгадовых мінімумаў для гэтага месяца.

У цяперашні час на рэках краіны адзначаецца спад узроўняў вады з сутачнай інтэнсіўнасцю 1-14 см. Неспрыяльныя ўмовы для работы рачнога транспарту назіраюцца на Нёмане каля Гродна, Дняпры ў г.Магілёў, г.Жлобін, г.Рэчыца і г.п.Лоеў, Бярэзіне ў г.Бабруйск і г.Светлагорск, Сожы каля г.Крычаў, г.Слаўгарад і г.Гомель.

Прагнозная інфармацыя аб мінімальных узроўнях вады ў кастрычніку

У кастрычніку мінімальныя ўзроўні вады на рэках прагназуюцца ніжэй сярэдніх шматгадовых значэнняў. На Нёмане, Бярэзіне, Прыпяці і ў ніжнім цячэнні Сожа мінімальныя ўзроўні вады чакаюцца блізкімі да ніжэйшых значэнняў за ўвесь перыяд назіранняў, а на Нёмане ў г.Гродна ўзровень вады апусціцца ніжэй шматгадовага мінімуму.