Нацыянальнае агенцтва па турызме абвясціла старт Нацыянальнаму конкурсу па стварэнні канцэпцыі турыстычнага вобраза Беларусі "Вобраз Беларусі. Позірк i адкрыццё"

Удзельнікам конкурсу трэба будзе распрацаваць запамінальны лагатып і слоган нашай краіны. Лепшая канцэпцыя ляжа ў аснову стварэння турыстычнага вобраза Беларусі. 
 
Аўтараў лепшых работ чакаюць грашовыя ўзнагароды: агульны прызавы фонд складае 22 000 беларускіх рублёў: 

1 месца - 10 000 бел.руб.
2 месца - 7 000 бел.руб.
3 месца - 5 000 бел.руб.

Конкурс праводзіцца пры падтрымцы Беларусбанка, які з'яўляецца афіцыйным партнёрам праекта.  

Прыняць удзел можа кожны жадаючы. Удзельнікамі могуць быць фізічныя і юрыдычныя асобы. Конкурсную працу можна накіраваць як індывідуальна, так і калектыўна. 

Рэгістрацыя ўдзельнікаў і падрабязная інфармацыя на сайце Нацыянальнага конкурсу. Заяўкі прымаюцца да 1 лістапада.  

Да 20 работ, адабраныя камісіяй, прымуць удзел у грамадскім онлайн-галасаванні.