Маніторынг паветра ў сталіцы: вынікі Тыдня мабільнасці і Дня без аўтамабіля

У рамках Тыдня мабільнасці, які прайшоў у Беларусі з 16 па 22 верасня, спецыялісты Белгідрамета правялі маніторынг якасці паветра ў Мінску.

21 і 22 верасня былі адабраны пробы ў трох узгодненых з Мінскім гарадскім камітэтам прыродных рэсурсаў і аховы навакольнага асяроддзя кропках: парк Горкага, скрыжаванне вуліц Я.Коласа і Кульман, а таксама ў Музея валуноў.

21 верасня ў раёне зоны адпачынку (парк Горкага) і на скрыжаванні вул.Я.Коласа і вул. Кульман і ў раёне зоны рэкрэацыі (Музей валуноў) канцэнтрацыя дыяксіду азоту склала ад 0,13 да 0,21 ГДК, у раёне зоны рэкрэацыі (Музей валуноў) склала ніжэй мяжы выяўлення метаду. Канцэнтрацыя аксіду вугляроду - ад 0,04 да 0,07 ГДК. Канцэнтрацыя фармальдэгіду ў раёне зоны рэкрэацыі (Музей валуноў) склала 0,33 ГДК, канцэнтрацыя ў іншых кропках склала ніжэй мяжы выяўлення метаду.

22 верасня назіралася нязначнае зніжэнне ўзроўню забруджвання атмасфернага паветра. Так канцэнтрацыя дыяксіду азоту склала ад 0,11 да 0,15 ГДК ў раёне зоны адпачынку (парк Горкага) і на скрыжаванні вул.Я.Коласа і вул.Кульман, у раёне зоны рэкрэацыі (Музей валуноў) без змен склала ніжэй мяжы выяўлення метаду. Канцэнтрацыя аксіду вугляроду склала ад 0,02 да 0,03 ГДК. Канцэнтрацыя фармальдэгіду была ніжэй мяжы выяўлення метаду ва ўсіх трох кропках.

Такія паказчыкі пацвярджаюць, што адмова ад лішніх паездак на аўто і пераход на ровары ці грамадскі транспарт сапраўды дапамагае дыхаць чысцей. Тыдзень мабільнасці - добрая нагода праверыць, як горад становіцца больш экалагічным.

Пры выкарыстанні інфармацыі спасылка на Белгідрамет абавязкова