«Кожная пятніца-роднае, сваё» : разам умацоўваем нацыянальную ідэнтычнасць!

Белгідрамет падтрымлівае ініцыятыву Міністэрства антыманапольнага рэгулявання і гандлю Рэспублікі Беларусь «кожная пятніца – роднае, сваё» – праект, закліканы павысіць культуру спажывання, прапагандаваць айчынныя тавары, асвятляць багацце беларускай мовы і прыгажосць нацыянальнай кухні. У кожнай нацыі ёсць свае асаблівасці, і наш абавязак – шанаваць і пашыраць іх.
Кожную пятніцу мы заклікаем далучацца да праекта, які накіраваны на любоў да роднага краю. Прыбірацца ў вопратку і абутак беларускіх вытворцаў, падтрымліваючы айчынны бізнес і забяспечваючы сябе якаснай прадукцыяй. Натхняйцеся мясцовымі прадуктамі, рыхтуючы традыцыйныя беларускія стравы. Адчуйце эстэтыку беларускай музыкі, напоўніўшы свой працоўны і вольны час мелодыямі роднага краю.
Не забывайце пра роднае слова-чытайце, размаўляйце па-беларуску, Далучайцеся да культурнага жыцця краіны. Важна, каб кожны з нас адчуваў сябе часткай вялікай беларускай сям'і.
Далучайцеся да праекту» кожная пятніца – роднае, сваё", распаўсюджвайце інфармацыю, дзяліцеся сваім досведам у сацыяльных сетках з хэштэгамі #Дзеньроднагасвайго і #Деньродногосвоего.

Разам мы зробім Беларусь яшчэ больш квітнеючай!