Калектыў Белгідрамета прыняў удзел у святкаванні 1 Мая ў Парку Перамогі

1 мая 2026 года Рэспубліка Беларусь адзначыла Свята працы.

Для работнікаў Белгідрамета, як і для ўсіх мінчан і гасцей сталіцы, гэты дзень стаў па‑сапраўднаму яркім і святочным.

Па традыцыі Федэрацыя прафсаюзаў арганізавала маёўкі ва ўсіх рэгіёнах краіны. У цэнтры ўвагі - людзі працы: калектывы арганізацый і прадпрыемстваў, моладзь і ветэраны, якія працягваюць лепшыя працоўныя традыцыі.

Самай буйной пляцоўкай святкавання Першамая стаў сталічны Парк Перамогі. Да ўрачыстых мерапрыемстваў далучыліся і члены працоўнага калектыву Белгідрамета на чале з намеснікам начальніка Белгідрамета па ідэалагічнай рабоце Вікторыяй Неваднічай.

Гасцей чакала насычаная святочная праграма: інтэрактыўныя пляцоўкі галіновых прафсаюзаў, майстар‑класы, кірмашы, забавы для дзяцей і дарослых.

Атмасфера ў парку была па-сапраўднаму святочнайм- сумаваць нікому не прыйшлося

Спецыялісты Белгідрамета прадставілі свае дасягненні на інтэрактыўнай пляцоўцы Беларускага прафсаюза работнікаў лесу і прыродакарыстання.

Кожны галіновы прафсаюз дэманстраваў лепшыя дасягненні і новыя распрацоўкі, паказваў майстэрства і творчы падыход сваіх работнікаў. Белгідрамет з гонарам прадставіў сваю галіну, паказаўшы, што праца метэаролагаў і эколагаў — гэта не толькі дакладныя вымярэнні, але і творчасць, і клопат пра прыроду.

Для Белгідрамета сустракаць 1 Мая разам стала добрай традыцыяй. Удзел у агульнагарадскім свяце дазваляе не толькі адпачыць і зарадзіцца пазітыўнымі эмоцыямі, але і паказаць важнасць працы гідраметслужбы для дабрабыту краіны і яе жыхароў.

Усе, хто прыйшоў на свята, атрымалі вясёлы і бадзёры настрой, а таксама незабыўныя эмоцыі.

Калектыў Белгідрамета дзякуе Федэрацыю прафсаюзаў за арганізацыю такога яркага і запамінальнага мерапрыемства і з нецярпеннем чакае новых сустрэч у наступным годзе!