Сярэднясутачная тэмпература паветра 9 мая 1945 года склала +6,6°С, днём паветра не прагравалася вышэй за +12,3°С, уначы тэмпература паніжалася да +2,9°С.
За ўвесь перыяд назірання, пачынаючы з 1945 года, сярэдняя сутачная тэмпература паветра 9 мая складае +11,6°С.
Халодным, з сярэднясутачнай тэмпературай паветра ніжэй + 5,0°С, гэты дзень быў у 1946, 1987, 2017 і 2025 гадах, а самым халодным 9 мая было ў 1953 годзе, калі сярэднесутачная тэмпература паветра склала +0,9°С, у гэты дзень слупок тэрмометра не падымаўся вышэй +5°С, а ўначы ён апускаўся да -1,8°С, самая нізкая начная тэмпература адзначана ў 2025 годзе і склала -4,1°С.
Цёплымі, з сярэднясутачнай тэмпературай паветра вышэй +18,0°С, былі 9 мая ў 1954, 1963, 1966, 1981, 1996, 2002, 2013, 2016 і 2018 гадах. Самым гарачым Дзень Перамогі быў у 2013 годзе з сярэднясутачнай тэмпературай +19,5°С, калі днём максімальная тэмпература паветра дасягала +26,2°С.
У сярэднім за суткі 9 мая выпадае каля 4 мм ападкаў.
9 мая 1945 года ў Мінску зарэгістравана 0,5 мм ападкаў. У палове гадоў за пасляваенны перыяд ападкаў 9 мая не адзначалася, а ў 24% гадоў ападкі былі неістотнымі, калі выпадала менш за 1 мм. Дажджлівым было 9 мая ў 1946, 1996, 1997, 2005 і 2010 гадах, калі колькасць ападкаў перавышала 10 мм. Самым дажджлівым за пасляваенны перыяд лічыцца 9 мая 1978 года, калі колькасць ападкаў склала 18,7 мм.
Пры выкарыстанні інфармацыі спасылка на Белгідрамет абавязкова
© Белгiдрaмет, 2016-2026