9 мая, у дзень, калі ўся краіна схіляе галовы перад подзвігам пакалення пераможцаў, Плошча Перамогі ў Мінску стала месцам, дзе тысячы людзей аб'ядналіся, каб аддаць даніну памяці героям Вялікай Айчыннай вайны. Урачыстая цырымонія ўскладання вянкоў і кветак да велічнага манумента сабрала прадстаўнікоў органаў дзяржаўнага кіравання, кіраўнікоў сталічных арганізацый і прадпрыемстваў, актывістаў грамадскіх аб'яднанняў і партый, а таксама мноства неабыякавых грамадзян.
Сярод тых, хто прыйшоў аддаць даніну памяці тым, хто цаной свайго жыцця набліжаў Вялікую Перамогу, былі і работнікі Белгідрамета. На чале з начальнікам Сяргеем Хільманам, супрацоўнікі ведамства далучыліся да тысяч мінчан і гасцей сталіцы, каб выказаць сваю глыбокую ўдзячнасць і павагу.
"Дзень Перамогі - гэта не проста традыцыя. Гэта наш святы абавязак і шчырае жаданне ўшанаваць памяць герояў, дзякуючы якім мы сёння жывем пад мірным небам", – падкрэслілі работнікі Белгідрамета. "Мы тут, каб паказаць, што мы памятаем і ганарымся подзвігам нашых продкаў, і гатовы перадаваць гэтую памяць далей".
Падобныя мерапрыемствы ў гэты святы дзень нагадваюць аб непарыўнай сувязі пакаленняў.
Дзень Перамогі - гэта свята, якое аб'ядноўвае ўсіх - франтавікоў, іх дзяцей, унукаў або праўнукаў. У кожнай сям'і ў гэты дзень па-асабліваму ўшаноўваюць памяць: дастаюць узнагароды сваіх герояў, успамінаюць іх подзвігі і перадаюць гісторыю стойкасці і мужнасці далей, захоўваючы сувязь часоў і аддаючы даніну павагі ўсім, хто стаў часткай нашай агульнай вялікай гісторыі.
З Днём Вялікай Перамогі!
© Белгiдрaмет, 2016-2026