Другі дзень 82-га пасяджэння сумеснай калегіі Саюзкомгідрамета

9 кастрычніка 2026 года сваю працу працягнула 82-ая сумесная калегія Камітэта Саюзнай дзяржавы па гідраметэаралогіі і маніторынгу забруджвання прыроднага асяроддзя (Саюзкомгідрамет).

Другі дзень пасяджэння быў прысвечаны практычнаму знаёмству з вытворчым патэнцыялам беларускага прадпрыемства і культурнай праграме, што стала лагічным завяршэннем насычанага дзелавога парадку дня, разгледжанага  напярэдадні.

Раніца пачалася з пераезду ўдзельнікаў калегіі на адкрытае акцыянернае таварыства "Пеленг" — адно з вядучых прадпрыемстваў Рэспублікі Беларусь у галіне распрацоўкі і вытворчасці высокадакладнага оптыка-электроннага і метэаралагічнага абсталявання.

Было адзначана, што ААТ «Пеленг» актыўна развівае кірунак аўтаматызаваных інтэлектуальных сістэм, якія ўжо паспяхова эксплуатуюцца на аэрадроме Гомель і дэманструюць высокую надзейнасць ва ўмовах рэальнай эксплуатацыі. Гэта асабліва актуальна ў кантэксце задач, пастаўленых перад гідраметэаралагічнымі службамі дзвюх краін па мадэрнізацыі назіральнай сеткі і пераходу на сучасныя айчынныя тэхналогіі.

Далей удзельнікі пасяджэння накіраваліся ў гісторыка-культурны комплекс "Лінія Сталіна", размешчаны ў Мінскім раёне. Гэты мемарыяльны комплекс, створаны на аснове рэальных фартыфікацыйных збудаванняў Мінскага ўмацаванага раёна, з'яўляецца адным з найбольш наведвальных гістарычных аб'ектаў Беларусі. Для гасцей з Расіі і Беларусі была праведзена экскурсія, падчас якой яны азнаёміліся з экспазіцыяй ваеннай тэхнікі, інжынернымі збудаваннямі і гісторыяй абарончых умацаванняў 1930-1940-х гадоў. Наведванне комплексу стала не толькі пазнавальным, але і сімвалічным мерапрыемствам, якое падкрэслівае агульнасць гістарычнай спадчыны брацкіх народаў і іх сумесную памяць аб абароне Айчыны.

У цэлым, 82-е пасяджэнне сумеснай калегіі Саюзкомгідрамета прадэманстравала высокі ўзровень узаемадзеяння паміж гідраметэаралагічнымі службамі Расіі і Беларусі. Дасягнутыя дамоўленасці і прынятыя рашэнні ствараюць трывалую аснову для далейшага ўмацавання супрацоўніцтва, укаранення перадавых тэхналогій і павышэння якасці гідраметэаралагічнага абслугоўвання насельніцтва і галін эканомікі Саюзнай дзяржавы. Праведзеныя ў рамках другога дня мерапрыемствы наглядна пацвердзілі, што супрацоўніцтва выходзіць далёка за рамкі афіцыйных пратаколаў, абапіраючыся на агульную гісторыю, культурныя сувязі і імкненне да тэхналагічнага суверэнітэту.