10 мая Мінск стаў цэнтрам урачыстага мерапрыемства, прысвечанага Дню Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь. Плошча Дзяржаўнага сцяга, сімвал нацыянальнага гонару і адзінства, сабрала тысячы беларусаў, аб'яднаных любоўю да сваёй Радзімы.
У цырымоніі прынялі ўдзел прадстаўнікі маладога пакалення - навучэнцы маладзёжных і ваенна-патрыятычных класаў і клубаў, актыўныя члены грамадскіх аб'яднанняў і супрацоўнікі вядучых працоўных калектываў краіны, а таксама курсанты і вайскоўцы. Сярод удзельнікаў, якія дэманструюць сваю грамадзянскую пазіцыю і павагу да дзяржаўных сімвалаў, былі і супрацоўнікі Белгідрамета на чале з намеснікам начальніка па ідэалагічнай рабоце Вікторыяй Неваднічай.
Кульмінацыяй свята стала шэсце з нацыянальным сцягам, які ўразіў маштабам. Палатно памерам 9 на 500 метраў, сімвал суверэнітэту і незалежнасці Беларусі, горда пранеслі больш за 800 чалавек. Калона, якая расцягнулася на сотні метраў, рушыла па праспекце Пераможцаў, пачынаючы свой шлях ад стэлы "Мінск — горад-герой" і завяршаючы яго на ганаровым месцы – плошчы Дзяржаўнага сцяга.
Удзел работнікаў Белгідрамета у гэтай значнай падзее з'яўляецца яркім сведчаннем іх глыбокай павагі да нацыянальнага здабытку, гістарычнай памяці і актыўнай грамадзянскай пазіцыі. Гэта яшчэ адно пацверджанне таго, што кожны грамадзянін Беларусі з'яўляецца неад'емнай часткай вялікай і моцнай краіны, ганарыцца яе сімваламі і гатовы служыць яе інтарэсам.
© Белгiдрaмет, 2016-2026