31 сакавіка 1966 года Указам Прэзідыума Вярхоўнага Савета СССР было заснавана прафесійнае свята-Дзень геолага, падставай для якога паслужыла адкрыццё ў 1966 годзе першых радовішчаў Заходне-Сібірскай нафтагазаноснай правінцыі. 

Гэта прафесійнае свята для беларускіх геолагаў было ўсталявана Указам Прэзідэнта Рэспублікі Беларусь ад 21 лютага 1996 года №84, якое адзначаецца штогод у першую нядзелю красавіка.

5 красавіка беларускія геолагі ўнясуць свой уклад у азеляненне сталіцы Беларусі і высадзяць алею Геолагаў. Зялёная акцыя прымеркаваная да Дня геолага і кампаніі "Уладкуем малую радзіму".

У мерапрыемстве разам з сем'ямі геолагаў і прадстаўнікамі моладзевага руху "Юны геолаг" прыме ўдзел Міністр прыродных рэсурсаў і аховы навакольнага асяроддзя Андрэй Худык.