Адукацыйны візіт удзельнікаў рэспубліканскага конкурсу навуковых біёлага-экалагічных работ на метэаралагічную станцыю Мінск
11 сакавіка прайшоў адукацыйны візіт на метэаралагічную станцыю Мінск удзельнікаў рэспубліканскага конкурса навуковых біёлага-экалагічных работ/праектаў навучэнцаў устаноў агульнай сярэдняй адукацыі і дадатковай адукацыі дзяцей і моладзі.
Дадзены конкурс праходзіць у мэтах развіцця навукова-даследчай дзейнасці як эфектыўнага сродку павышэння якасці адукацыі і ўсебаковага развіцця асобы навучэнцаў.
У рамках адукацыйнага візіту навучэнцы азнаёміліся з тэхналогіяй правядзення гідраметэаралагічных назіранняў. Акрамя таго, наведалі метэаралагічную пляцоўку, дзе пазнаёміліся з прыборамі і датчыкамі, з дапамогай якіх праводзяць гідраметэаралагічныя назіранні.
