Дзень Кастрычніцкай рэвалюцыі адзначаецца ў Рэспубліцы Беларусь штогод 7 лістапада. Гэты дзяржаўнае свята заснавана Указам Прэзідэнта Рэспублікі Беларусь ад 26 сакавіка 1998 года № 157.

Вялікая Кастрычніцкая сацыялістычная рэвалюцыя 1917 гада – галоўная падзея ХХ стагоддзя, якая не толькі змяніла шлях гістарычнага развіцця Расіі, але і аказала вялікі ўплыў на гісторыю беларускай зямлі.

Для нашай рэспублікі падзеі той пары адкрылі шлях да нацыянальнага самавызначэньня і ўласнай дзяржаўнасці.

З імем Кастрычніцкай рэвалюцыі мы звязваем шматлікія перамогі, здзяйсненні і працоўныя дасягненні нашага народа, якія і дагэтуль працягваюць заставацца прадметам нашай асаблівай гордасці.

Сёння Рэспубліка Беларусь упэўнена ідзе ўласным шляхам развіцця. Стваральная праца, імкненне да сацыяльнай справядлівасці, павага да гісторыі і традыцый – галоўныя фактары кансалідацыі беларускага грамадства.

У гэты святочны дзень жадаем вам і вашым родным моцнага здароўя, шчасця, спакою і свету, новых працоўных дасягненняў на карысць Рэспублікі Беларусь!

З гісторыі свята

У ноч з 7 на 8 лістапада 1917 года ў Петраградзе адбылося паўстанне. Па сігнале, якім стаў стрэл крэйсера «Аўрора», узброеныя працоўныя, салдаты і матросы захапілі Зімовы палац, зрынулі Часовы ўрад і абвясьцілі Уладу Саветаў.

Рэвалюцыя 1917 года стала адным з самых значных падзей XX стагоддзя і карэнным чынам паўплывала на ход далейшай гісторыі. Людзі атрымалі права на працу, на адукацыю, на адпачынак, права ўдзельнічаць у кіраванні краінай.

Дзякуючы Кастрычніцкай рэвалюцыі беларускі народ здабыў дзяржаўнасць, стварыў эканамічны і інтэлектуальны патэнцыял, збярог і ўзбагаціў нацыянальную культуру.

Да 1991 года 7 лістапада быў галоўным святам СССР і насіў больш ўрачыстую, чым зараз, назву – Дзень Вялікай Кастрычніцкай сацыялістычнай рэвалюцыі. На працягу ўсёй савецкай эпохі 7 лістапада быў "чырвоным днём календара», гэта значыць дзяржаўным святам, якое адзначалі не толькі асаблівым колерам у штодзённіку, але і абавязковымі дэманстрацыямі працоўных, якія праходзілі ў кожным горадзе краіны.

Гісторыя гэтага свята скончылася з распадам Савецкага Саюза і развянчаннем камуністычнай ідэалогіі. У Расіі свята было перайменавана спачатку ў Дзень згоды і прымірэння, а потым і скасавана зусім.

У Беларусі ж гэтае свята па-ранейшаму адзначаецца, але атрымала новую назву – Дзень Кастрычніцкай рэвалюцыі.

Захоўваючы гэты дзень сярод іншых памятных дат, мы тым самым аддаем даніну павагі мільёнам людзей, для якіх многія гады гэта было галоўнае свята дзяржавы.