У Беларусі 22 верасня пройдзе Адзіны дзень бяспекі. Асноўныя намаганні будуць накіраваны на фарміраванне ў грамадстве культуры бяспекі жыццядзейнасці, правядзенне адукацыйна-выхаваўчай работы з падрастаючым пакаленнем. Спецыялістамі Белгідрамета для фарміравання ўсвядомленых паводзін у экстрэмальных умовах надвор'я ў зімовы і летні перыяды, такіх як мароз, галалёдзіца, моцны снегапад, мяцеліца, туман, спякота, лясныя пажары, моцны вецер распрацаваны закладкі для кніг, буклеты і плакаты з рэкамендацыямі. Таксама інфармацыяй важнай для жыцця і здароўя кожнага грамадзяніна нашай рэспублікі з'яўляецца інфармацыя па каляровых кодах ступеняў небяспекі метэаралагічных з'яў. Гэтая інфармацыя ў даступным і зразумелым для дзяцей і дарослых выкладзе прадстаўлена ў інфармацыйных матэрыялах, якія будуць перададзены ва ўстановы адукацыі для правядзення гадзін інфармавання.