Агляд гідралагічнай абстаноўкі на 5 лістапада 2026 года

Па стане на 5 лістапада невялікі (да 8 см за суткі) рост узроўняў вады адбываецца на Прыпяці, Заходняй Дзвіне ў г.п.Сураж, Нёмане ў г.Гродна, Віліі ў в.Міхалішкі, а таксама на асобных прытоках Заходняга Буга, Дняпра і Бярэзіны. На астатнім працягу названых вышэй рэк, а таксама на Дняпры, Бярэзіне і Сожы назіраецца спад (1-5 см за суткі) узроўняў вады і роўны іх ход. 
Неспрыяльныя ўмовы для працы рачнога транспарту адзначаюцца на Нёмане ў г.Гродна, Дняпры ў г.Магілёў, г.Жлобін, г.Рэчыца і г.п.Лоеў, Бярэзіне ў г.Бабруйск і г.Светлагорск, Сожы ў г.Крычаў, г.Слаўгарад і г.Гомель, Прыпяці ў г.Мазыр.
Тэмпература вады ў рэках і вадаёмах панізілася і знаходзіцца ў межах ад 2,8°C да 8,8°C.
У найбліжэйшыя дні ва ўзроўневым рэжыме істотных змен не чакаецца, на рэках будзе пераважаць спад узроўняў вады, тэмпература вады панізіцца.

Пры выкарыстанні інфармацыі спасылка на Белгідрамет абавязкова