Агляд гідралагічнай абстаноўкі на 30 студзеня 2026 года

Па стане на 30 студзеня амаль паўсюдна на рэках краіны назіраецца ледастаў, ледастаў з палонкамі і закраінамі, толькі на асобных участках рэк басейнаў Нёмана, Віліі, Заходняга Буга, Бярэзіны і Сожа адзначаюцца забярэгі і шугаход.

На вадасховішчах Вілейскае, Чыгірынскае, Заслаўскае, Салігорскае, Чырвоная Слабада, азёрах Нарач, Дрывяты, Чырвонае і Лукомскае назіраецца суцэльнае ледзяное покрыва.

На рэках адзначаюцца ваганні узроўняў вады з інтэнсіўнасцю ў асноўным 1-12 см за суткі. На Нёмане ў аг.Беліца, Віліі ў аг.Сцешыцы, Бярэзіне ў г.Беразіно, прытоку Прыпяці рацэ Пціч у в.Першая Слабодка ўзроўні вады перавышаюць адзнакі выхаду вады на пойму.

У бліжэйшыя дні ва ўзроўневым рэжыме рэк істотных змен не чакаецца, у лядовай абстаноўцы будзе назірацца нарастанне таўшчыні лёду.

Пры выкарыстанні інфармацыі спасылка на Белгідрамет абавязкова