Агляд гідралагічнай абстаноўкі на 27 сакавіка 2026 года

У мінулыя суткі на Дняпры ў г.Жлобін і г.Рэчыца вада выйшла на пойму. Рэкі краіны цалкам ачысціліся ад ледзяных утварэнняў.

Па стане на 27 сакавіка ледастаў з закраінамі і разводдзямі яшчэ захоўваецца на вадасховішчах Вілейскае, Чыгірынскае, Заслаўскае, азёрах Нарач, Дрывяты, Чырвонае і Лукомскае, аднак лёд растае на месцы, выходзіць на лёд нельга.

На Дняпры, Сожы, Прыпяці, большым працягу Заходняй Дзвіны, асобных участках Нёмана і Бярэзіны назіраецца рост узроўняў вады з інтэнсіўнасцю 1-11 см за суткі. На Віліі адбываецца нязначны спад узроўняў вады.

Вада знаходзіцца на пойме на большасці рэк басейнаў Дняпра, Сожа і Прыпяці, а таксама на асобных участках рэк басейнаў Нёмана, Віліі і Бярэзіны.

Узровень вады блізкі да небяспечнай высокай адзнакі на прытоку Сожа рацэ Проня ў в. Ляцягі, аднак інтэнсіўнасць росту невялікая і складае 1 см за суткі.

Паводле звестак МНС у Мсціслаўскім і Хоцімскім раёнах Магілёўскай вобласці, Гомельскім, Добрушскім і Петрыкаўскім раёнах Гомельскай вобласці назіраюцца затапленні жылых дамоў, падворкаў, гаспадарчых пабудоў, мастоў і ўчасткаў дарог.

У бліжэйшыя дні на большасці рэк будзе назірацца рост узроўняў вады. На вадаёмах працягнецца раставанне лёду.

Пры выкарыстанні інфармацыі спасылка на Белгідрамет абавязкова