Агляд гідралагічнай абстаноўкі на 25 мая 2026 года

У мінулы перыяд (21-24 мая) на рэках краіны пераважаў спад узроўняў вады, у выніку чаго на Сожы ў г.Крычаў пагоршыліся ўмовы для працы рачнога транспарту.
Па стане на 25 мая на большасці рэк назіраецца спад узроўняў вады з сутачнай інтэнсіўнасцю 1-28 см, невялікі (1-4 см за суткі) рост узроўняў вады адзначаецца толькі на Заходняй Дзвіне ў аг.Ула, некаторых яе прытоках, а таксама на асобных прытоках Заходняга Буга, Дняпра, Бярэзіны і Прыпяці.
На Віліі ў аг.Сцешыцы і на прытоку Сожа рацэ Іпуць у г.Добруш узроўні вады перавышаюць адзнакі выхаду вады на пойму.
На Нёмане ў г.Гродна і Сожы ў г.Крычаў узроўні вады знаходзяцца ніжэй адзнак, якія лімітуюць суднаходства.
Тэмпература вады павысілася і знаходзіцца ў межах у рэках ад 14°C да 22°C, у вадаёмах – ад 13°C да 21°C. 
У бліжэйшыя дні на рэках будуць адзначацца ваганні ўзроўняў вады, на Сожы ў г.Слаўгарад узровень вады апусціцца ніжэй небяспечнай нізкай адзнакі для суднаходства.

Пры выкарыстанні інфармацыі спасылка на Белгідрамет абавязкова