Агляд гідралагічнай абстаноўкі на 24 красавіка 2026 года

Па стане на 24 красавіка рост узроўняў вады з сутачнай інтэнсіўнасцю 1-14 см назіраецца на Нёмане ў г.Гродна, Дняпры ў г.Жлобін, Бярэзіне ў г.Светлагорск, асобных яе прытоках і на некаторых прытоках Заходняй Дзвіны, Сожа і Прыпяці. На астатнім працягу названых вышэй рэк, а таксама на Заходняй Дзвіне, Віліі, Сожы і Прыпяці адбываецца спад узроўняў вады з інтэнсіўнасцю 1-19 см за суткі.

Вада знаходзіцца на пойме на Дняпры на ўчастку Жлобін – Лоеў, прытоках Сожа рэках Беседзь і Іпуць, а таксама на прытоку Прыпяці рацэ Пціч.

На Нёмане ў г.Гродна ўзровень вады знаходзіцца ніжэй за адзнаку, пры якой адзначаюцца цяжкасці ў працы рачнога транспарту.

Тэмпература вады істотна не змянілася і знаходзіцца ў межах у рэках ад 4,8°C да 12°C, у вадаёмах ад 7,3°C да 11°C.

У бліжэйшыя дні на большасці рэк спад узроўняў вады захаваецца, у выніку чаго на прытоку Сожа рацэ Бесядзь у аг.Свяцілавічы ўзровень вады апусціцца ніжэй за адзнаку выхаду вады на пойму.

Пры выкарыстанні інфармацыі спасылка на Белгідрамет абавязковая