Агляд гідралагічнай абстаноўкі на 15 снежня 2025 года

Па стане на 15 снежня на Нёмане, Бярэзіне, Сожы, Прыпяці, Заходняй Дзвіне на ўчастку Сураж – Віцебск і ў г.Полацк, Віліі ля аг.Сцешыцы, Дняпры ў г.п.Лоеў назіраецца рост узроўняў вады з сутачнай інтэнсіўнасцю 1-17 см. На астатнім працягу названых вышэй рэк адбываецца спад узроўняў вады з інтэнсіўнасцю 1-7 см за суткі.
На Віліі ў аг.Сцешыцы ўзровень вады перавышае адзнаку выхаду вады на пойму. 
На Нёмане ў г.Гродна ўзровень вады знаходзіцца ніжэй за адзнаку, якая лімітуе суднаходства. 
Тэмпература вады знаходзіцца ў межах у басейнах Заходняй Дзвіны, Дняпра, Сожа і Бярэзіны ад 0,1°С да 4,0°С, у басейнах Нёмана, Віліі, Заходняга Буга і Прыпяці ад 1,7°С да 5,9°С, у вадаёмах ад 1,2°С да 3,5°С. 
У бліжэйшыя дні на большасці рэк будзе назірацца рост узроўняў вады.

Пры выкарыстанні інфармацыі спасылка на Белгідрамет абавязкова