У мінулы перыяд (5-9 красавіка) у выніку адмоўных начных тэмператур паветра, на прытоку Заходняга Буга рацэ Нараў ля в.Немержа адзначаліся кароткачасовыя ледзяныя ўтварэнні ў выглядзе сала.
Па стане на 10 красавіка, на Заходняй Дзвіне ў г.п.Сураж і г.Полацк, Віліі ў аг.Сцешыцы, Дняпры ў г.п.Лоеў, Бярэзіне ў г.Барысаў і г.Бабруйск, Сожы на ўчастку Слаўгарад – Гомель і на асобных іх прытоках, а таксама на Прыпяці на ўчастку Петрыкаў – Мазыр і большасці яе прытокаў назіраецца рост узроўняў вады з сутачнай інтэнсіўнасцю 1-15 см. На астатнім працягу названых вышэй рэк і на рэках басейна Нёмана адзначаецца спад узроўняў вады з інтэнсіўнасцю 1-8 см за суткі.
Тэмпература вады складае ў рэках +1 +8°С, у вадаёмах +3 +6°С.
Да канца гэтага тыдня на рэках будуць назірацца ваганні ўзроўняў вады, тэмпература вады ў рэках і вадаёмах будзе паступова павышацца.
Пры выкарыстанні інфармацыі спасылка на Белгідрамет абавязкова