Агляд аграметэаралагічных умоў па Гродзенскай вобласці на 23 ліпеня 2026 года

Аграметэаралагічныя ўмовы для фарміравання ўраджайнасці большасці сельскагаспадарчых культур і адрастання траў пасля ўкосаў складваюцца цалкам спрыяльна.

Паводле даных пунктаў аграметэаралагічных назіранняў Гродзенскай вобласці, у азімых збожжавых культур (пшаніца, жыта, трыцікале) ідзе паспяванне – назіраецца васковая спеласць. На пасевах азімага ячменю наступіла поўная спеласць, праводзіцца ўборка гэтай культуры. Вільготнасць зерня на пасевах, што паспяваюць, павышаная і вагаецца ў межах ад 22 да 34%.

У азімага рапсу адзначана паспяванне насення, наступіла гаспадарчая спеласць, у лёну-даўгунцу – ранняя жоўтая спеласць насення. Пачалася ўборка рапсу і лёну.

Дажджы, якія выпадаюць, ускладняюць уборку збожжавых культур, лёну, азімага рапсу, нарыхтоўку сена і правядзенне агратэхнічных мерапрыемстваў па доглядзе за сельскагаспадарчымі культурамі.