Дажджы, якія праходзяць, папаўняюць вільгацезапасы ў глебе, найбольш істотна ў паўночна-ўсходняй палове Беларусі. На раніцу 27 мая ў Віцебскай, Гомельскай, у многіх раёнах Мінскай, месцамі ў Магілёўскай і на поўначы Гродзенскай вобласці адзначаецца моцнае ўвільгатненне, у асобных раёнах – залішняе ўвільгатненне верхняга пласта глебы. У бліжэйшы час дажджы могуць павялічыць плошчы з пераўвільгатненнем глебы.
У паўднёва-заходняй частцы краіны, верхні 10-сантыметровы пласт глебы знаходзіцца ў умерана вільготным стане. Аднак тэмпературны рэжым тут па-ранейшаму ніжэй за кліматычную норму, з-за слабага накаплення эфектыўнага цяпла запавольваецца развіццё цеплалюбівых культур. Ва ўсходняй частцы рэспублікі назіраецца цёплае надвор'е, Умовы спрыяюць нарастанню вегетатыўнай масы і фарміраванню прадуктыўнасці збожжавых культур, адрастанню траў, росту сцябла лёну, з'яўленню ўсходаў позніх культур.
Пры выкарыстанні інфармацыі спасылка на Белгідрамет абавязкова