Развіццё кукурузы і нарастанне зялёнай масы ідзе з некаторым апярэджаннем мінулагодніх тэрмінаў. Па апошніх даных назіранняў у кукурузы працягваецца лістаўтварэнне. На ранніх пасевах ідзе выкідванне мяцёлак, месцамі адзначана красаванне – пачалося фарміраванне рэпрадуктыўных органаў. Вільгацезабяспечанасць кукурузы на большасці плошчаў добрая. Недахоп глебавай вільгаці захоўваецца месцамі ў паўднёвых раёнах краіны, што пагаршае тут умовы для нарастання зялёнай масы. На асноўных масівах стан кукурузы добры, у Віцебскай вобласці – задавальняючы.
У пачатку наступнага тыдня ў сувязі з паніжэннем тэмпературнага рэжыму цеплазабяспечанасць кукурузы некалькі пагоршыцца.
Чаканыя ў бліжэйшы час дажджы месцамі будуць стрымліваць тэмпы ўборачных работ, ускладняць нарыхтоўку сена.
Пры выкарыстанні інфармацыі спасылка на Белгідрамет абавязкова
© Белгiдрaмет, 2016-2026