Па апошніх дадзеных назіранняў на асноўных масівах азімых збожжавых адзначаецца красаванне. На пасевах азімага ячменю пачаўся наліў збожжа - наступіла малочная спеласць. Прадуктыўны сцебластой на большасці наглядальных участкаў сфармаваўся нармальны. Па звестках шэрагу метэастанцый у паўднёва-ўсходняй частцы і на паўночным захадзе рэспублікі пасевы радзей.
На большай частцы тэрыторыі рэспублікі назіраецца ўмерана вільготны стан верхняга 10-сантыметровага пласта глебы, пры гэтым у многіх раёнах Віцебскай вобласці захоўваецца моцнае ўвільгатненне. На пераўвільготненых плошчах абцяжарана правядзенне агратэхнічных мерапрыемстваў па догляду за пасевамі.
У бліжэйшы час аграметэаралагічныя ўмовы будуць спрыяць фарміраванню каласоў і наліву збожжа. Чаканыя дажджы на большай частцы тэрыторыі рэспублікі будуць падтрымліваць дастатковыя запасы глебавай вільгаці, аднак будуць ускладняць кормаўборачныя работы.
Пры выкарыстанні інфармацыі спасылка на Белгідрамет абавязкова