Дажджы, якія праходзяць на тэрыторыі Беларусі, паступова папаўняюць утрыманне вільгаці ў глебе. Па дадзеных візуальных назіранняў на большай частцы тэрыторыі краіны адзначаецца добрае ўвільгатненне верхняга пласта глебы. З-за нераўнамернага размеркавання ападкаў на захадзе Віцебскай і на паўночным усходзе Мінскай вобласці на глыбіні 10 см захоўваецца слабое ўвільгатненне, пры гэтым у шэрагу паўночных і ўсходніх раёнаў рэспублікі ападкі прывялі да пераўвільгатнення глебы. Паляпшэнне вільгацезабяспечанасці пасеваў спрыяе з'яўленню ўсходаў цеплалюбівых культур, аднак, тэмпературны рэжым па-ранейшаму застаецца ніжэй аптымальнага. Сярэдняя тэмпература глебы на глыбіні 10 см складае ў асноўным + 10°С + 13°С.
У бліжэйшыя дні аграметэаралагічная абстаноўка істотна не зменіцца.
Пры выкарыстанні інфармацыі спасылка на Белгідрамет абавязкова