Агляд аграметэаралагічнай сітуацыі на 14 жніўня 2026 года

Фарміраванне ўраджаю цукровых буракоў сёлета праходзіць

ва ўмовах перавагі ўмеранага тэмпературнага рэжыму, перыяды гарачага надвор'я былі непрацяглымі. На значнай тэрыторыі буракасеяння назіраюцца дастатковыя запасы глебавай вільгаці, што забяспечвае добрыя прыросты караняплодаў. Складаная аграметэаралагічная абстаноўка для цукровых буракоў складваецца

у Брэсцкай вобласці, дзе захоўваецца недабор ападкаў. У найбольш засушлівыя перыяды месцамі па вобласці запасы прадуктыўнай вільгаці ў паўмятровым пласце глебы памяншаліся да нізкіх, што негатыўна адбівалася на росце караняплодаў.

Па апошніх дадзеных у большасці раёнаў буракасеяння сярэдняя вага караняплода блізкая да паказчыкаў мінулага года, у Брэсцкай вобласці значна саступае леташняму. Цукрыстасць караняплодаў цукровых буракоў перавышае леташнія паказчыкі на гэты час.

 У другой палове жніўня ўмовы надвор'я будуць спрыяць далейшаму назапашванню цукроў у караняплодах. Пры гэтым з-за чаканага недабору ападкаў могуць павялічыцца плошчы з недахопам глебавай вільгаці.

Пры выкарыстанні інфармацыі спасылка на Белгідрамет абавязкова.