Цёплае надвор'е спрыяе разбурэнню снежнага покрыва і адтаванню глебы. Снежнае покрыва яшчэ захоўваецца на палях паўночна-ўсходняй паловы Беларусі. У большасці раёнаў Брэсцкай і на поўдні Гродзенскай вобласці глеба адтала на поўную глыбіню.
На лёгкіх глебах у Брэсцкай вобласці верхні слой прасох і прагрэўся да +5 + 6°С, стала магчыма апрацоўка, унясенне ўгнаенняў, правядзенне агратэхнічных мерапрыемстваў па догляду за азімымі культурамі. Аграметэаралагічныя ўмовы тут дазваляюць выбарачна сеяць найбольш холадаўстойлівыя яравыя збожжавыя і зернебабовыя культуры. У крайніх паўднёва-заходніх раёнах Беларусі адзначана аднаўленне вегетацыі азімых культур.
У бліжэйшы час цёплае надвор'е будзе спрыяць далейшаму разбурэнню снежнага покрыва і паспяванню глебы, тэмпы палявых сельскагаспадарчых работ паскорацца.
Пры выкарыстанні інфармацыі спасылка на Белгідрамет абавязкова
© Белгiдрaмет, 2016-2026