Інфармацыя аб гідраметэаралагічнай абстаноўцы ў басейнах рэк Рэспублікі Беларусь, якая склалася ў ліпені 2022 года

Сярэдняя па Беларусі тэмпература паветра за ліпень 2022 года склала 18,4°С, што ніжэй за кліматычную норму на 0,5°С. Першая дэкада месяца была вельмі цёплай са станоўчай анамаліяй 1,8°С. Сярэдняя тэмпература паветра другой і трэцяй дэкад была ніжэй за норму на -2,8 і -0,6°С адпаведна.

За месяц у сярэднім па рэспубліцы выпала 104,4 мм ападкаў, што склала 117% кліматычнай нормы. Па тэрыторыі краіны ўмовы ўвільгатнення былі вельмі неаднастайныя: па большай частцы выпала 70-120% нормы. Па асобных пунктах назірання па тэрыторыі Брэсцкай, Гродзенскай і Віцебскай абласцей выпала паўтары нормы ападкаў за месяц і больш. Па абласцях больш за ўсё ападкаў адзначана на тэрыторыі Гродзенскай вобласці - у сярэднім 151,3мм або 170% нормы. Менш за ўсё - на тэрыторыі Гомельскай вобласці – 76,7 мм або 79% нормы. Нязначны недабор ападкаў адзначаўся ў першай і трэцяй дэкадах (выпала 94 і 85% нормы адпаведна). Другая дэкада была вільготнай (адзначана 51,8 мм або 168% нормы).

У ліпені на рэках краіны адзначаліся ваганні ўзроўняў вады. На прытоку Нёмана рацэ Рось у в.Студзянец і прытоку Заходняга Буга рацэ Лясная ў г.Камянец ўзроўні вады перавысілі адзнакі выхаду вады на пойму, а на Віліі ў в.Сцешыцы і прытоку Бярэзіны рацэ Бобр у в.Куты вада знаходзілася на пойме кароткі перыяд часу. Неспрыяльныя ўмовы для работы рачнога транспарту назіраюцца на Заходняй Дзвіне у г.Віцебск, Нёмане ў г.Гродна, Дняпры ў г.Магілёў, г.Жлобін і г.Рэчыца, Бярэзіне ў г.Бабруйск, Сожы каля г.Крычаў і г.Слаўгарад.

У ліпені воднасць Віліі і Нёмана ў г.Гродна апынулася больш за норму на 20-30%, на Сожы воднасць была больш звычайнай для гэтага часу года на 40-70%, воднасць Дняпра, Бярэзіны і Нёмана на ўчастку Стоўбцы – Масты апынулася блізкая да нормы і некалькі менш яе, а на Заходняй Дзвіне і Прыпяці значна менш за норму.

Сярэдняя тэмпература вады ў рэках склала 18-23ºС, што блізка да звычайнай для гэтага часу года.

Пры выкарыстанні інфармацыі спасылка на Белгідрамет абавязкова

Спецыялізаваныя сайты і сайты Філіялаў

II Міжнародная выстава індустрыі бяспекі "Нацыянальная бяспека. Беларусь-2024"

Iнфармацыйныя iнтэрнэт-парталы

Iнтэрнэт-партал Прэзiдэнта Рэспублiкi Беларусь Міністэрства прыродных рэсурсаў і аховы навакольнага асяроддзя Рэспублікі Беларусь Бiяметрычныя дакументы Рэспублікі Беларусь Нацыянальны прававы Інтэрнэт-партал Рэспублікі Беларусь Нацыянальны цэнтр інтэлектуальнай уласнасці Беларускі прафсаюз работнікаў лесу і прыродакарыстання Афіцыйныя геральдычныя сімвалы Рэспублікі Беларусь Мінская абласная арганізацыя Беларускага прафсаюза работнікаў лесу і прыродакарыстання