12.06.2018
Каманда Белгідрамета прыняла ўдзел у летняй рэспубліканскай спартакіядзе работнікаў арганізацый Мінпрыроды
У перыяд з 9 па 10 чэрвеня 2018 года ў г. Лідзе адбылася рэспубліканская спартакіяда работнікаў арганізацый Міністэрства прыродных рэсурсаў і аховы навакольнага асяроддзя Рэспублікі Беларусь.
Арганізатарамі спартакіяды выступілі: Міністэрства прыродных рэсурсаў і аховы навакольнага асяроддзя, Міністэрства спорту і турызму, Беларускі прафесійны саюз работнікаў лесу і прыродакарыстання.
Ва ўрачыстай цырымоніі адкрыцця спартакіяды прынялі ўдзел Міністр прыродных рэсурсаў і аховы навакольнага асяроддзя Андрэй Худык, старшыня Беларускага прафесійнага саюза работнікаў лесу і прыродакарыстання Часлава Гоева, старшыня Лідскага раённага выканаўчага камітэта Міхаіл Карповіч, загадчык аддзела спорту і турызму Лідскага раённага выканаўчага камітэта Аляксандр Макей, галоўны суддзя спаборніцтваў Ігар Саврас.
У спаборніцтвах удзельнічалі 14 каманд, у ліку якіх зборныя абласцей і падведамных арганізацый Мінпрыроды. У праграму спартакіяды былі ўключаны сем відаў спорту, валейбол, плаванне, лёгкаатлетычная эстафета, більярд, настольны тэніс, дартс і кулявая стральба.
Зборная каманда дзяржаўнай установы «Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя» (Белгідрамет) прыняла ўдзел у спартакіядзе ва ўсіх відах спаборніцтваў. У склад спартыўнай дэлегацыі Белгідрамета ўвайшло семнаццаць чалавек. Прадстаўлялі і падтрымлівалі каманду начальнік Белгідрамета Раман Лабазанаў, старшыня першаснай прафсаюзнай арганізацыі Наталля Аляхновіч, а таксама прадстаўнікі адміністрацыі і прафкама цэнтральнага апарата і філіялаў Белгідрамета.
У агульнакамандным заліку спартсмены Белгідрамета дасягнулі нядрэнных вынікаў, прадэманстравалі сваю спартыўную падрыхтоўку і імкненне да перамогі.
Удзельнікі сваім прыкладам даказалі, што заняткі спортам – гэта цудоўны спосаб трымаць сябе ў форме і захоўваць моцнае здароўе.
Спорт умацоўвае веру ў сябе і свае сілы, і, вядома ж, дорыць нам добры настрой.
Спецыялізаваныя сайты і сайты Філіялаў
Iнфармацыйныя iнтэрнэт-парталы
Iнтэрнэт-партал Прэзiдэнта Рэспублiкi Беларусь
Міністэрства прыродных рэсурсаў і аховы навакольнага асяроддзя Рэспублікі Беларусь
Бiяметрычныя дакументы Рэспублікі Беларусь
Нацыянальны прававы Інтэрнэт-партал Рэспублікі Беларусь
Нацыянальны цэнтр інтэлектуальнай уласнасці
Беларускі прафсаюз работнікаў лесу і прыродакарыстання
Афіцыйныя геральдычныя сімвалы Рэспублікі Беларусь
Мінская абласная арганізацыя Беларускага прафсаюза работнікаў лесу і прыродакарыстання