08.05.2020
Агляд аграметэаралагічнай сітуацыі на 8 мая 2020 года
Дажджы, якія прайшлі на большай частцы тэрыторыі рэспублікі, істотна завільгатнелі глебу, палепшыўшы аграметэаралагічную абстаноўку. Паводле звестак візуальных назіранняў на раніцу 8 мая ў большасці раёнаў Беларусі верхні 10-сантыметровы слой глебы знаходзіцца ва ўмерана вільготным стане. У шэрагу раёнаў Віцебскай, Магілёўскай і ў паўднёва-ўсходняй частцы Гомельскай вобласці адзначаецца моцнае ўвільгатненне.
У бліжэйшыя дні на пераўвільготненых глебах будзе абцяжарана правядзенне сяўбы цеплалюбівых культур, агратэхнічных мерапрыемстваў па догляду за раслінамі.
Пасля мінулых дажджоў палепшыліся ўмовы для адрастання траў, фарміравання прадуктыўнасці збожжавых каласавых культур, рапсу. У азімых збожжавых культур ідзе нарастанне вегетатыўнай масы, у яравых збожжавых культур пачынаецца кушчэнне, на ранніх пасевах у паўднёвай палове краіны з'явіліся ўсходы кукурузы.
У бліжэйшы час аграметэаралагічныя ўмовы для росту і развіцця большасці сельскагаспадарчых культур будуць складвацца цалкам здавальняюча. Аднак з-за пагрозы замаразкаў у асобных раёнах не выключана верагоднасць пашкоджанняў кветак і завязі пладовых культур, усходаў кукурузы.
Iнфармацыйныя iнтэрнэт-парталы
Iнтэрнэт-партал Прэзiдэнта Рэспублiкi Беларусь
Міністэрства прыродных рэсурсаў і аховы навакольнага асяроддзя Рэспублікі Беларусь
Бiяметрычныя дакументы Рэспублікі Беларусь
Нацыянальны прававы Інтэрнэт-партал Рэспублікі Беларусь
Нацыянальны цэнтр інтэлектуальнай уласнасці
Беларускі прафсаюз работнікаў лесу і прыродакарыстання
Афіцыйныя геральдычныя сімвалы Рэспублікі Беларусь
Мінская абласная арганізацыя Беларускага прафсаюза работнікаў лесу і прыродакарыстання