05.07.2019
Агляд аграметэаралагічнай сітуацыі на 5 ліпеня 2019 года
Па апошніх дадзеных назіранняў ў азімых збожжавых культур на большай тэрыторыі рэспублікі пачалося паспяванне - адзначана васковая спеласць, у шэрагу раёнаў Гомельскай і на паўднёвым захадзе Брэсцкай вобласці наступіла поўная спеласць збожжа. Сярэдняя колькасць зерня ў галоўным коласе азімых культур на большасці наглядальных участкаў складае каля 35-45, на асобных - да 50. Пераважна ў паўночна-заходняй частцы і на паўднёвым усходзе, а таксама ў некаторых цэнтральных раёнах краіны колас сфармаваўся драбней - налічваецца 23-31 зерне. На назіраных палях вільготнасць збожжа ў асноўным яшчэ падвышаная - 25-36%, месцамі ў паўднёвых абласцях рэспублікі - 16-20%. На асноўных масівах яравых збожжавых культур назіраецца наліў збожжа. У паўднёвай частцы Беларусі пачалося паспяванне ячменю і аўса - адзначана васковая спеласць, у некаторых раёнах Гомельскай вобласці - поўная спеласць збожжа. Развіццё яравых на адну-дзве, па звестках шэрагу метэастанцый - на тры тыдні апярэджвае леташнія тэрміны.
З-за нераўнамернага размеркавання ападкаў частка збожжавых культур па-ранейшаму адчувае недахоп глебавай вільгаці. Метэастанцыі Ашмяны і Мар'іна Горка адзначылі павелічэнне плошчаў пашкоджаных збожжавых каласавых культур - пажаўценне і засыханне лістоў ад глебавай засухі.
Перавага паніжанага тэмпературнага рэжыму ў першай палове ліпеня і дажджы рознай інтэнсіўнасці будуць некалькі стрымліваць выспяванне і просыхание збожжа. Па разліках наступ поўнай спеласці азімых збожжавых культур на асноўных масівах чакаецца ў другой дэкадзе ліпеня, у паўднёвай частцы краіны - у канцы першай дэкады ліпеня.
Iнфармацыйныя iнтэрнэт-парталы
Iнтэрнэт-партал Прэзiдэнта Рэспублiкi Беларусь
Міністэрства прыродных рэсурсаў і аховы навакольнага асяроддзя Рэспублікі Беларусь
Бiяметрычныя дакументы Рэспублікі Беларусь
Нацыянальны прававы Інтэрнэт-партал Рэспублікі Беларусь
Нацыянальны цэнтр інтэлектуальнай уласнасці
Беларускі прафсаюз работнікаў лесу і прыродакарыстання
Афіцыйныя геральдычныя сімвалы Рэспублікі Беларусь
Мінская абласная арганізацыя Беларускага прафсаюза работнікаў лесу і прыродакарыстання