04.06.2019
Агляд аграметэаралагічнай сітуацыі на 4 чэрвеня 2019 года
Паводле апошніх звестак назіранняў азімыя збожжавыя культуры на ўсёй тэрыторыі Рэспублікі закаласіліся. У азімага жыта амаль паўсюдна, у трыцікале і пшаніцы ў многіх раёнах пачалося красаванне. Найбольш шчыльнае прадуктыўнае сцябластаянне сфармавалася ў Гродзенскай і Брэсцкай абласцях. Фарміраванне коласа на асноўных масівах азімых культур праходзіць пры дастатковай вільгацезабяспечанасці, аднак з-за нераўнамернага размеркавання ападкаў у шэрагу раёнаў, у першую чаргу ў паўднёва-ўсходняй частцы і месцамі на паўночным захадзе рэспублікі, пасевы адчуваюць дэфіцыт вільгаці - влагазабяспечаннасць зменшылася да здавальняючай і нізкай. Паводле звестак метэастанцый Бабруйск і Кастрычнік запасы прадуктыўнай вільгаці ў ворным гарызонце глебы знізіліся да 2-3 мм, на назіральным участку МС Гомель прадуктыўная вільгаць практычна адсутнічае. Метэастанцыі Гомель і Лынтупы знізілі візуальную ацэнку стану збожжавых культур на назіраных палях да здавальняючай – адзначана пажаўценне і скручванне лісця ад глебавай засухі.
У бліжэйшы час з-за лакальнага характару чаканых дажджоў недахоп глебавай вільгаці на часткі плошчаў захаваецца, што можа негатыўна паўплываць на прадуктыўнасць коласа збожжавых культур.
Спецыялізаваныя сайты і сайты Філіялаў
Iнфармацыйныя iнтэрнэт-парталы
Iнтэрнэт-партал Прэзiдэнта Рэспублiкi Беларусь
Міністэрства прыродных рэсурсаў і аховы навакольнага асяроддзя Рэспублікі Беларусь
Бiяметрычныя дакументы Рэспублікі Беларусь
Нацыянальны прававы Інтэрнэт-партал Рэспублікі Беларусь
Нацыянальны цэнтр інтэлектуальнай уласнасці
Беларускі прафсаюз работнікаў лесу і прыродакарыстання
Афіцыйныя геральдычныя сімвалы Рэспублікі Беларусь
Мінская абласная арганізацыя Беларускага прафсаюза работнікаў лесу і прыродакарыстання