21.06.2019
Агляд аграметэаралагічнай сітуацыі на 21 чэрвеня 2019 года
Па выніках інструментальнага вызначэння вільготнасці глебы, праведзенага 18 чэрвеня, недахоп глебавай вільгаці адзначаўся на большай тэрыторыі краіны, у першую чаргу пад збожжавымі культурамі, рапсам, ільном, шматгадовымі травамі. Запасы вільгаці ў паўмятровым пласце глебы ацэньваюцца як нізкія на значнай тэрыторыі Гомельскай, у паўднёвай частцы Магілёўскай, на захадзе Брэсцкай і месцамі ў астатніх абласцях. Паводле звестак метэастанцый Гомель, Кастрычнік, Бабруйск прадуктыўная вільгаць практычна адсутнічала ў паўметровым гарызонце глебы.
Дастатковыя вільгацезапасы пад збожжавымі коласавымі культурамі на момант вызначэння вільготнасці захоўваліся ў шэрагу раёнаў Брэсцкай і Мінскай абласцей і месцамі на астатняй тэрыторыі краіны. У мінулай дэкадзе вільгацезабяспечанасць кукурузы, бульбы, карняплодаў у многіх раёнах таксама пагоршылася, але на большай тэрыторыі краіны застаецца яшчэ дастатковай.
Дажджы, якія прайшлі ў апошнія суткі, папоўнілі запасы глебавай вільгаці пераважна ва ўсходняй палове Брэсцкай, на паўднёвым захадзе Мінскай і на ўсходзе Гродзенскай вобласці. З-за нераўнамернага размеркавання чаканых у бліжэйшыя дні дажджоў на часткі плошчаў, асабліва ў паўднёва-ўсходнім рэгіёне Рэспублікі, дэфіцыт вільгаці ў глебе можа захавацца.
З-за высокіх тэмператур і глебавай засухі складаюцца складаныя ўмовы для фарміравання і наліву коласа збожжавых культур, рапсу, фарміравання ўраджаю ільновалакна, адрастання траў, месцамі пагоршыўся стан і іншых культур. Найбольш пацярпелі ад засухі пасевы ў Гомельскай вобласці, частка збожжавых культур тут ужо загінула, у лёну адзначаецца засыханне сцеблаў, ідзе засыханне траў. Пашкоджанні збожжавых культур (у асноўным пажаўценне і засыханне лісця) адзначаюць метэастанцыі Магілёўскай, Мінскай, Гродзенскай абласцей, а таксама на паўднёвым усходзе Віцебскай вобласці. Месцамі ў Гомельскай і на ўсходзе Мінскай вобласці пачалося пажаўценне і засыханне лісця ў кукурузы.
Iнфармацыйныя iнтэрнэт-парталы
Iнтэрнэт-партал Прэзiдэнта Рэспублiкi Беларусь
Міністэрства прыродных рэсурсаў і аховы навакольнага асяроддзя Рэспублікі Беларусь
Бiяметрычныя дакументы Рэспублікі Беларусь
Нацыянальны прававы Інтэрнэт-партал Рэспублікі Беларусь
Нацыянальны цэнтр інтэлектуальнай уласнасці
Беларускі прафсаюз работнікаў лесу і прыродакарыстання
Афіцыйныя геральдычныя сімвалы Рэспублікі Беларусь
Мінская абласная арганізацыя Беларускага прафсаюза работнікаў лесу і прыродакарыстання