19.04.2019
Агляд аграметэаралагічнай сітуацыі на 19 красавіка 2019 года
Для высвятлення стану азімых культур у першай і ў другой дэкадах красавіка метэастанцыямі праведзена маршрутнае абследаванне. Па яго выніках перазімоўка азімых збожжавых культур у Брэсцкай і Гродзенскай абласцях прайшла цалкам паспяхова. Тут на большасці агледжаных палёў збожжавыя культуры былі ў добрым стане. На астатняй тэрыторыі Беларусі стан пасеваў горшы: у Віцебскай вобласці здавальняючы стан адзначаны больш чым на палове палёў, у Мінскай, Магілёўскай і Гомельскай абласцях – на 1/3 палёў. Больш за ўсё палёў (больш за 10%) з загінулымі пасевамі збожжавых культур зарэгістравана ў Магілёўскай вобласці, прычына гібелі – выправанне.
Стан азімага рапсу пасля зімоўкі некалькі лепш, чым у мінулым годзе. У Брэсцкай і Гродзенскай абласцях на большасці плошчаў азімы рапс быў у добрым стане. У Віцебскай і Гомельскай абласцях больш чым на палове агледжаных палёў стан рапсу ацэньваўся як «здавальняючы». У цэлым па краіне прыкладна на 10% агледжаных палёў рапс быў у дрэнным стане, гібель яго адзначана ва ўсіх абласцях, акрамя Гродзенскай. Шматгадовыя травы на большасці агледжаных плошчаў знаходзіліся ў добрым стане, толькі ў Віцебскай і Гомельскай абласцях, больш чым на палове палёў-у здавальняючым.
Спецыялізаваныя сайты і сайты Філіялаў
Iнфармацыйныя iнтэрнэт-парталы
Iнтэрнэт-партал Прэзiдэнта Рэспублiкi Беларусь
Міністэрства прыродных рэсурсаў і аховы навакольнага асяроддзя Рэспублікі Беларусь
Бiяметрычныя дакументы Рэспублікі Беларусь
Нацыянальны прававы Інтэрнэт-партал Рэспублікі Беларусь
Нацыянальны цэнтр інтэлектуальнай уласнасці
Беларускі прафсаюз работнікаў лесу і прыродакарыстання
Афіцыйныя геральдычныя сімвалы Рэспублікі Беларусь
Мінская абласная арганізацыя Беларускага прафсаюза работнікаў лесу і прыродакарыстання