17.07.2018
Агляд аграметэаралагічнай сітуацыі на 17 ліпеня 2018 года
Няўстойлівае з дажджамі надвор'е падоўжыла перыяд наліву коласа збожжавых культур. На асноўных масівах азімых збожжавых культур ідзе паспяванне коласа - назіраецца васковая спеласць, у многіх раёнах паўднёвай паловы краіны наступіла поўная спеласць збожжа, на паўночным усходзе рэспублікі ў азімых яшчэ працягваецца наліў. У паўднёвай палове Беларусі ў многіх раёнах, у паўночнай - на шэрагу плошчаў васковай спеласці дасягнулі авёс і яравы ячмень. Месцамі ў Брэсцкай вобласці ў яравых адзначана поўная спеласць. У гаспадарках рэспублікі пачалася ўборка збожжавых каласавых культур. У яравой пшаніцы на большасці плошчаў ідзе наліў збожжа.
Дзякуючы дажджам, аграметэаралагічныя ўмовы для распачатай уборкі збожжавых культур складваюцца неспрыяльна. Ліўневыя дажджы з моцным ветрам прывялі да палягання збожжавых каласавых культур на асобных наглядальных участках у Мінскай і ў Віцебскай абласцях. Вільготнасць збожжа павышаная і складае ад 18% да 41%. Месцамі ў Брэсцкай і ў Мінскай абласцях вільготнасць збожжа блізкая да кандыцыйных (15-16%).
У бліжэйшы час дажджы рознай інтэнсіўнасці будуць стрымліваць выспяванне і прасыханне збожжа, ускладняць правядзенне ўборачных работ.
Спецыялізаваныя сайты і сайты Філіялаў
Iнфармацыйныя iнтэрнэт-парталы
Iнтэрнэт-партал Прэзiдэнта Рэспублiкi Беларусь
Міністэрства прыродных рэсурсаў і аховы навакольнага асяроддзя Рэспублікі Беларусь
Бiяметрычныя дакументы Рэспублікі Беларусь
Нацыянальны прававы Інтэрнэт-партал Рэспублікі Беларусь
Нацыянальны цэнтр інтэлектуальнай уласнасці
Беларускі прафсаюз работнікаў лесу і прыродакарыстання
Афіцыйныя геральдычныя сімвалы Рэспублікі Беларусь
Мінская абласная арганізацыя Беларускага прафсаюза работнікаў лесу і прыродакарыстання